4-май куни Навоий шаҳридаги 11-умумий ўрта таълим мактабида Ўзбекистон Ёзувчилар уюшмаси ташаббуси билан Ўзбекистон Халқ  шоири Ғафур Ғулом таваллудининг 120 йиллигига бағишланган адабий кеча ўтказилди.

    Ўзбекистон Республикаси Президенти Шавкат Мирзиёевнинг 2022 йил 25 ноябрь куни Халқ депутатлари Навоий вилояти Кенгашининг навбатдан ташқари сессиясида ҳамда объектларга ташрифлар, учрашувлар ва тадбирларда берган топшириқлари бўйича қабул қилинган 77 - сонли йиғилиш баёни 16-бандида тегишли ташкилотлар ҳамкорликда мактабларда театр студиялари, мушоира, спорт мусобақалари ва маънавият тадбирларини ўтказиш белгиланганди. 

Жорий йилнинг 28-апрель куни Ёзувчилар уюшмаси Навоий вилояти бўлими ташаббуси, Абдулла Қодирий номидаги вилоят ахборот-кутубхона маркази, Навоий давлат педагогика институти ҳамкорлигида навбатдаги "Қизилқум оқшомлари” ёш ижодкорлар мушоираси институт боғида ташкил этилди.  

   Президентнинг беш муҳим ташаббуси доирасида ёшлар маънавиятини юксалтириш, улар ўртасида китобхонликни кенг тарғиб қилиш мақсадида анъанавий тарзда "Ёш китобхон” танлови ўтказилиб келинмоқда. Жорий йил март ойида эса танловнинг янги мавсумига старт берилиб, барча ёш тоифаларида китоблар рўйхати эълон қилинди. Айни дамда мамлакатимиз китобхон ёшлари нуфузли танловга тайёргарликни бошлаб юборишган.