ЯНГИ КИТОБ ТАҚДИМОТИ
- 21.08.2023, 11:04,
- 64,
- Ахборот
- 0
Жорий йил 21 август куни Нурота туманидаги мусиқа мактабида Ўзбекистон Ёзувчилар уюшмаси Навоий вилоят бўлими ташаббуси билан таниқли шоир, фахрий педагог Яхшибой Шариповнинг "Сайланма" китоби тақдимоти бўлиб ўтди. Унда ташкилотчилардан масъуллар, туман ижодкорлари, фахрий отахонлар, кутубхоначилар, ўқитувчи-мураббийлар қатнашдилар.
Ёзувчилар уюшмаси вилоят бўлими вакили Жамшид Бўрон ушбу китобнинг ўзига хос жиҳатларига таъриф берди. Ҳаёт тажрибасига таяниб, миллий достонларимизни халқимизга қайтарилаётгани катта адабий ҳодиса эканлигини таъкидлади.
Шундан сўнг муаллифнинг дўстлари фахрий шифокор, ижодкор Умрқул Нарзуллаев, меҳнат фахрийси Отаули Холдоров, фахрий йўлчи Суюн Қулмоновлар муаллиф ҳақида, унинг ижод намуналарига оид илиқ фикрларни билдирдилар.
Шунингдек, шоир Бахтиёр Ҳалимов, ижодкор Обида Саидқулова, шоира Зухро Шарипова, ношир Нозигул Шарипова муаллиф хусусида сўзлаб, унинг ижод намуналаридан йиғилганларга ҳавола этдилар.
Тақдимотда муаллиф Яхшибой Шариповга ҳамда ҳамқадам дўстларига ҳурмат кўрсатилиб тўн кийдирилди. Барча туман кутубхоналари вакилларига "Сайланма" китоб топширилди.
МАВЗУГА ОИД ЎХШАШ МАҚОЛАЛАР:
Ўзбекистон ёзувчилар уюшмаси Навоий вилоят ҳудудий бўлинмаси
