Ўзбекистон ёзувчилар уюшмаси Навоий вилоят ҳудудий бўлинмаси
4-май куни Навоий шаҳридаги 11-умумий ўрта таълим мактабида Ўзбекистон Ёзувчилар уюшмаси ташаббуси билан Ўзбекистон Халқ шоири Ғафур Ғулом таваллудининг 120 йиллигига бағишланган адабий кеча ўтказилди.
Ушбу тадбирда "Турон" маҳалласи оқсоқоллари, ўқитувчилар ҳамда фаол ўқувчи ёшлар қатнашди.
Ёзувчилар уюшмаси вилоят бўлими вакили Жамшид Бердиев Ғафур Ғулом ҳаёти, илмий ва ижодий фаолияти хусусида сўзлади.
Мактаб ўқувчиларининг ёшлар театр студияси жамоаси томонидан "Шум бола" асари асосида театрлаштирилган саҳна кўринишлари, шеърий ҳамда мусиқий чиқишлар ижро этилди.
Фаол ўқувчилар Ёзувчилар уюшмаси вилоят бўлими томонидан дипломлар билан тақдирланди.
Ўзбекистон Ёзувчилар уюшмаси Навоий вилоят бўлими
