"ҚИЗИЛҚУМ ОҚШОМЛАРИ" ЛОЙИҲАСИ ДАВОМ ЭТАДИ

      Жорий йил 24 февраль куни Ўзбекистон Ёзувчилар уюшмаси Навоий вилоят бўлими ҳамда Ўзбекистон ёшлар иттифоқи  Навоий вилоят кенгаши ҳамкорлигида ташкил этилган навоийлик ёш ижодкорларнинг "ҚИЗИЛҚУМ ОҚШОМЛАРИ" мушоирасининг бу галги 2-босқичи ноанъанавий ва қизғин руҳда кечди.  Ижод  бўсағасига қадам қўяётган ёш қаламкаш ўғил-қизлар буюк бобомиз Алишер Навоий ва  Заҳириддин Муҳаммад Бобур ғазалларини ижро этгач ўз ижодларига мурожаат қилганлиги даврага алоҳида шукуҳ, файз бахш этди. Ҳакамлар ҳайъати томонидан ёшлар ижоди эътироф этилиши баробарида уларга зарурий маслаҳат ва тавсиялар бериб борилди. Ёшларга китобга меҳр қўйиш, айниқса, Навоий, Бобур каби мумтоз сиймолар ижодидан, бахшиларимиз достонларидан кўпроқ баҳраманд бўлиб бориш, ижодкорнинг сермаҳсуллигини ошириб, келгусида илк китоблари юзага келишига имконият яратиши таъкидланди.