“Навоий ворислари” ёш ижодкорлар тўгарагининг навбатдаги машғулоти ўтказилди.

12 сентябр куни Навоий шаҳридаги Ўзбек тили ва адабиётига ихтисослаштирилган 19-умумтаълим мактаби қошида ташкил этилган "Навоий ворислари” ёш ижодкорлар тўгарагининг навбатдаги машғулоти ўтказилди. Ёзувчилар уюшмаси вилоят Бўлими етакчи мутахассиси Гулмира Шодиева буюк мутафаккир шоир Алишер Навоийнинг болалиги ҳақида ўқувчиларга маъруза қилди. Навоий ғазаллари мушоирасида 13 нафар ўқувчи фаол иштирок этди. Энг моҳир ғазалхон ўқувчилардан 5 нафари эсдалик совғалари билан рағбатлантирилди.Машғулот давомида "Алишер Навоий ижодида инновацион технологиялар тасвири” мавзуида уй иншосига топшириқ берилди.

12 сентябрь куни Навоий вилоят ҳокимлиги томонидан "Ижтимоий маънавий муҳитни яхшилаш-давр талаби” мавзуида кенг жамоатчилик вакиллари иштирокида йиғилиш ўтказилди.Йиғилишда Ёзувчилар уюшмаси вилоят Бўлими раҳбари Б.Садриддинов шоир ва адибларнинг ахборот хуружига ҳамда жаҳолатга қарши маънавий жасорат билан кураши борасидаги вазифалари юорасида фикр юритди.