Ўзбекистон ёзувчилар уюшмаси Навоий вилоят ҳудудий бўлинмаси
|
ОНАМГА
Она , юзингингизда чизгилар ҳаққи Гул каби очилган тарзим бор менинг, Осмонимда қушлар бари сайроқи- Сизга бахт тўлашгақарзим бор менинг
Mен ўғирлаганман кулгуларингни Сенга узатганча қайғуларимни Энди англаяпман туйғуларимни Сендан битта қувонч қарзим бор менинг
Ҳар саҳар ўрардинг жамалак сочим, Keмирди азоблар юрагинг нечун? Meн деб вайрон бўлган гул чоғинг учун, Сендан битта ёшлик қарзим бор менинг.
Сендаги умрга арзим бор менинг, Арзим бор-у лекин ўзим йўқотган- Сендан битта умр қарзим бор менинг, Сендан бир умрга қарзим бор менинг! |
Усмонова Нуржахонбегим
Тойир қизи,
1997 йил туғилган. ”Истеъдод мактаби-2016” семинари иштирокчиси. Тошкент давлат консероваторияси 2-курс талабаси. |
|
ВАТАН ДАРСИ
Қумурсқалар рақс этганкун , югурган кун, Пешонамга гул тақдирим чизилган кун, Майсаларнинг босилиши, янчилиши- Юрагимга ғам-ғуссалар санчилган кун. Майсазорлар нолам ,менинг нолам менинг, Қумурсқалар болам ,менинг болам менинг... Қушлар учар паға –паға қўл силкитиб , Нима топдим тулпорларни бир ҳуркитиб. Уюм- узуқ гуллар билан безанганда, Бойчечаклар қучоғимгахезланганда- Мен ғарибнинг ношудлигим сезилган кун, Товонимдан гулбаргларим эзилган кун. Кўкда учган нолам менинг, нолам менинг, Бойчечаклар болам, менинг болам менинг. Сув остида балиқчалар югурсайди, Бизни кўриб йўлбарсчалар зир титрайди. Кафтиммунис қушчаларни силаганда, Кўнглим мунисқушчаларга эланганда. Буғдой каби дилимга дард экилган кун, Қушчаларга кафтимдан дон сепилган кун, Сув остида нолам, менинг нолам менинг. Йўлбарсчалар болам, менинг болам менинг, Сайраб турган мусичалар болам, менинг! Жониворларим , менинг каби кемтик кўнгил, Жайрон- опам, кийикчалар бўлар сингил. Мунгли қараб, жонимни ҳамюлиб кетар, Жониворлар гоҳ устимдан кулиб ўтар . Шамолларнинг инграгани нолам менинг, Жониворлар бари-бари болам менинг... |
БАХТ ҚАСРИ
Қувончмикин ёнимдан- Чопиб ўтган, онажон, Сизнинг соғинчингизми- Мени кутган, онажон!
Меҳрингизни жамалак Қилибсиз-да сочимга. Қанча бўлсамда ҳалак- Куч келмоқда кучимга.
Атрофимда югурган Ёшликми ё вақтми бу. Мен билан арғимчоқда Учаётган бахтми бу.
Ўтаётган ҳар бир кун Татийди минг асрга. Она ,бахт туғилмоқда Сиз яратган қасрда… ***
Тушунмаслар дардимни- Тушунмоқ кимга керак, Азобдан парчаланган- Синиқ кўзадир юрак. Нега тушунмайдилар Шеьрим –майса ё ўқдир. Шу зада юрагимни- Яширишга жой йўқдир!
|
Нуржаҳонбегим Усмонованинг шеърлари:
