Фаёзжон Қосимов шеърлари

Ватан

Кўҳна мураббийсан, ибратсан Ватан,

Кўксингда тарихнинг сара сўзи бор .

Тупроғингда ўсган хар битта ёвшан,

Ўзбекча шукрона келтирар , такрор.

Ватан, юрагимда яшайсан,Ватан,

Жоним бўлсин қурбон сендай Ватанга.

Ҳар доим онамга ўхшайсан,Ватан.

Хар недан , азизсан,меҳрибон, менга .

Сенинг юракдаги нолангман Ватан.

Сени онам деган бир болангман Ватан.

Бугун сўз айтаман фақат, сен учун,

Ватаним яшнагин, гулларга тўлгин.

Сенга фарзандлигим , шараф мен учун,

Юракларда ўзинг , қалбда жо бўлгин.

Қучоғингда ўсган , нолангман Ватан,

Сенчун хар ишга шай ,болангман Ватан.

Менга муқаддассан, Каъбамсан Ватан,

Онамдек мехрибон ,Онамсан Ватан.